د تخار مرګونې او دردمنې پېښې په اړه د باور غورځنګ اعلامیه
د تخار مرګونې او دردمنې پېښې په اړه د باور غورځنګ
اعلامیه!
په ډیرتأسف سره باید ووایو چې د هېواد هره برخه مو دردمنده ده، تېره شپه په تخار ولایت کې دهېواد پر امنیتي او دفاعي ځواکونو د دښمنانو لخوا ډله ایز برید ترسره شوی چې په پایله کې یې زموږ یو شمیر امنیتي او دفاعي سرتېري په شهادت رسېدلي او ټپیان شوي. موږ دا کړنه یو نه بښونکی جنایت بولو او په کلکو ټکو یې غندو، دا ډول وحشي بریدونه د اسلامي احکامو خلاف عمل دی. خدای تعالی دې شهیدانو ته فردوس جنت، ټپیانو ته عاجله شِفا او پاتې غړو ته عظیم صبر ورکړي.
یو نظر پریږدئ